76 patay sa pananalasa ng bagyong Agaton — NDRRMC

Umabot na sa pitumpu’t anim ang death toll sa pananalasa ng bagyong Agaton sa bansa.

Sa update na ipinalabas ng National Disaster Risk Reduction and Management Council o NDRRMC, ang mga nasawi ay mula sa Eastern Visayas , Davao Region at Western Visayas.

Habang may dalawamput siyam ang patuloy na nawawala at walong indibidwal ang nasugatan.

Dagdag pa ng ahensya aabot naman sa 920,727 na indibidwal o katumbas ng 279,557 na pamilya ang naapektuhan ng bagyo mula sa mga barangay sa Bicol Region, Western Visayas, Central Visayas, Eastern Visayas, Northern Mindanao, Davao Region, Soccsksargen, Caraga, at Bangsamoro.