Bagong Deputy Ombudsmen para sa Visayas at Mindanao, hinirang ni PRRD

May bago na ring mga Deputy Ombudsmen para sa Visayas at Mindanao.

Sa appointment letters na natanggap ng Korte Suprema mula sa Palasyo, itinalaga ni Pangulong Duterte si Presidential Management Staff Undersecretary Anderson Lo bilang Deputy Ombudsman for Mindanao.

Pinalitan ni Lo sa puwesto si Rodolfo Elman.

Hinirang naman ng pangulo si Dante Flores Vargas bilang Deputy Ombudsman for Visayas kapalit ni Paul Elmer Clemente.

Manunungkulan sina Lo at Vargas sa mga nasabing posisyon sa loob ng pitong taon o hanggang 2029.

Moira Encina