Dating hukom sa Valenzuela RTC, itinalaga bilang bagong Court of Appeals justice

Nanumpa na bilang bagong mahistrado ng Court of Appeals si dating Valenzuela City Regional Trial Court Judge Nancy Rivas-Palmones.

Si Palmones ay hinirang sa pwesto ni Pangulong Rodrigo Duterte kapalit ni retired CA Justice Edward Contreras.

Si Supreme Court Associate Justice Henri Jean Paul Inting ang nagpanumpa kay Palmones na isinagawa sa SC Dignitaries’ Lounge.

Bago mapunta sa hudikatura ay nagsilbing piskal sa Quezon City si Palmones.

Nagtapos siya ng abogasya sa Far Eastern University College of Law noong 1991.

Siya ang asawa ng brodkaster at dating Congressman Angelo Palmones.

Moira Encina