DOLE magsasagawa ng job fair para sa mga graduate ng K to 12

Magkakaroon ng job fair ang Department of Labor and Employment para sa mga K to 12 o senior high school graduate na naghahanap ng trabaho.

Sa abiso ng DOLE, gagawin ang K–12 JOB FAIR ngayong araw sa Cuneta Astrodome sa Pasay City ngayong araw.

Nasa mahigit 7 libong trabaho ang iaalok na trabaho mula sa iba’t-ibang sektor gaya ng retail, hotel and restaurant, BPO, semi-conductor, construction, manufacturing at iba pa.

Karamihan sa mga alok na trabaho ay mga posisyon tulad ng customer service representative, equipment specialist, cashier, dining staff, barista, sales consultant/sales crew, driver, stock clerk, bagger, housekeeping/service crew, at marami pang iba.

Para sa mga interesado, magdala lamang ng updated resume at iba pang requirements.