‘Friends’ actor na si James Michael Tyler, pumanaw na

Pumanaw na sa edad na 59, ang aktor na si James Michael Tyler na gumanap sa papel ng coffee shop manager na si Gunther sa hit sitcom na “Friends.”

Sinabi ng isang representative, na si Tyler ay binawian ng buhay sa kaniyang tahanan sa Los Angeles sanhi ng prostate cancer na unang na-diagnose noong 2018.

Ayon kay Toni Benson . . . “The world knew him as Gunther (the seveth ‘Friend’), from the hit series Friends, but Michael’s loved ones knew him as an actor, musician, cancer-awareness advocate, and loving husband.”

Ang kaniyang “Friends” character ay lumabas sa nasa 150 episodes sa lahat ng 110 seasons ng 1990s sitcom, bilang manager ng Central Perk, ang cafe kung saan nagha-hung out ang iba pang characters.

Sinabi pa ni Benson . . . “Michael loved live music, cheering on his Clemson Tigers and would often find himself in fun and unplanned adventures. If you met him once, you made a friend for life.”

Si Tyler ay lumabas na rin sa ilang series gaya ng “Scrubs,” “Sabrina the Teenage Witch,” at “Modern Music.”

Noong June ay inanunsiyo ni Tyler sa “Today” show ng NBC, na na-diagnose siya na may advance prostate cancer noong September 2018, na kumalat na sa kaniyang buto. Ang cancer ay nadiskubre sa isang routine physical exam. (AFP)

Please follow and like us: