Grupo ng Kabataan, Stranded sa Palawan

Stranded pa rin sa Palawan ang ilang kabataang miyembro ng “Kalayaan, Atin ‘to” matapos ang ginawa nilang pagbisita sa lugar upang iprotesta ang pag-angkin ng China sa Spratly Island.

Sa ngayon, 18 miyembro pa ang hindi nakakauwi dahil sa kakulangan sa pondo. Nananawagan ang grupo sa mga taong nais tumulong upang makauwi na sa kani-kanilang pamilya ang mga bata.