Mahigit na apat na milyong adults sa buong mundo may Diabete, isang Diabetic namamatay sa bawat anim na segundo ayon sa eksperto
Pinangunahan ng Friendly Alliances and Media Expressions Incorporated ang aktibidad na tinawag nilang “sweet escape : hataw galaw sa kalusugan 2017, isang taunang okasyon na naglalayong maitaas ang awareness o kamulatan tungkol sa panganib, paghadlang at paggamot ng Diabetes mellitus.
Ayon kay Dra. Joy Arabelle Fontanilla, head, center for weight intervention and nutrition services ng St. Lukes’ Medical Center –Global City, ang diabetese ay isang nakamamatay na sakit na dapat pagtuunan ng pansin upang mahadlangan ang patuloy na pagtaas ng bilang ng mga taong dinadapuan nito.
Sinabi ni Fontanilla na sa bawat anim na segundo, may isang tao na may diabetes ang namamatay dahil sa nabanggit na sakit.
Kaya marapat lamang na kumain ng tama, magkaroon ng oras sa pag eehersisyo at gawin ang healthy lifestyle upang mahadlangan ang diabetes at mga kumplikasyon nito.
Sa datos naman ng International Diabetes Federation tinatayang may mahigit na apat na milyong adults sa buong mundo ang may diabetes at mahigit naman sa limang daang libong kabataan ang nabubuhay na may type 1 diabetes.
Binigyang diin naman ni Dr. Augusto Litonjua , presidente ng Philippine Center for Diabetes Education Foundation Incorporated hindi ang cholesterol ang nagiging sanhi ng pagtaas ng triglyceride, ng blood pressure at diabetes kundi sa mga kinakaing prutas at processed foods na sagana sa asukal na kung tawagin ay fructose.
Sinabi naman ni Dr. Pepito dela Peña, Presidente ng Philippine Society of Endocrinology, diabetes and metabolism na kung dinapuan na ng diabetes, dapat pa ring maglaan ng oras sa pag -eehersisyo upang maging physycally fit pa rin.
Ulat ni: Anabelle Surara
