Magnitude 6.5 na lindol yumanig sa Eastern Samar
Kasunod nang nangyaring magnitude 6.1 na lindol na tumama kahapon ng hapon sa Zambales na higit na naka-apekto sa Porac at Clark Pampanga, niyanig ng magnitude 6.5 na lindol kaninang 1:37 ng hapon ang Eastern Samar.
Ayon sa Philippine Institute of Volcanology and Seismology (PHIVOLCS) ang epicenter ay naitala 19 kilometers northwest ng bayan ng San Julian.
Ang nasabing lindol ay tectonic ang origin na may lalim na 63 kilometers.
Naitala ang Intensity VI sa San Julian, Eastern Samar; Intensity V – Tacloban City; Catbalogan City, Samar; Gen. Mc Arthur, Salcedo and Guiuan Eastern Samar; Naval, Biliran; Catarman, Northern Samar; Palo and Pastrana, Leyte; Intensity IV – Abuyog, Hilongos, Javier, Capoocan, Julieta, Baybay, Barogo, Jaro, MacArthur, Matalum, Villaba, Leyte; San Francisco, Southern Leyte; Bislig City, Surigao Del Sur; Iloilo City; Naga City; Sorsogon City; Panganiban, Catanduanes; Intensity III – Binalbagan, Negros Occidental; Cabalian, Southern Leyte; Dimasalang, Masbate; Butuan City; Cabadbaran City; at Intensity II – Bago City; Bacolod City
Nilinaw ng Phivolcs na walang kaugnayan ang mga lindol sa Luzon at Visayas.
