Mahigit 5,000 na kabataan sa Maynila nais magpabakuna kontra COVID-19

May 5,086 kabataang nasa edad 5 hanggang 11 taong gulang na sa Maynila ang nagpahayag ng pagnanais na mabakunahan sila kontra COVID-19.

Ayon kay Manila Mayor Isko Moreno, ang mga nasa age group na ito ay pwede ng magpapre register sa www.manilacovid19vaccine.ph.

Kasama sa pinag-aaralan aniya nila na gawing inisyal na vaccination site para sa 5 to 11 yrs old ay sa Manila Zoo at Bagong Ospital ng Maynila.

• 

Kahapon ay natapos na aniya nila ang magiging plano sa oras na simulan na ang pagbabakuna sa mga bata.

Ang sabi aniya sa kanila ay Pebrero 2 ang dating ng mga bakuna dito sa bansa at sisimulan ang vaccine roll out sa Pebrero 4.

Madz Moratillo