Mga dadapuan ng trangkaso lalo pa umanong tataas ..magtatagal pa hanggang Marso – ayon sa DOH

 

Mas tataaas pa umano ang bilang ng mga taong maaaring dapuan ng trangkaso at ito ay tatagal pa hanggang Marso.

Ayon sa Department of Health (DOH),   ang trangkaso o flu  ay  isang viral illness, , taun-taon ay may ibang strain ang  maaaring dumadapo sa tao.

Kabilang  sa  sintomas ng trangkaso ay  lagnat,  kung minsan daw ay walang lagnat,   sipon, ubo,  pananakit ng lalamunan,  matinding ginaw   at karaniwan ay  walang ganang kumain ang dinapuan ng naturang sakit.

Maaaring umabot ang trangkaso ng isang linggo o mahigit pa kung mahina ang resistensya ng pasyente.

Sabi pa ng doh, wala din daw na antibiotic na dapat inumin ng isang may trangkaso, maliban na lang daw  na may malalang ubo, ngunit kailangan pa rin na ikunsulta sa duktor kung nais na uminom ng antibiotic.

Dapat ding obserbahan  ang pasyenteng  may trangkaso dahil kung siya ay  nanghihina na….. kailangan na daw itong dalhin sa ospital upang malapatan ng angkop ng lunas.

Payo pa  ng DOH, upang hindi mahawa ang kasama sa bahay  sa pasyenteng may trangkaso, maghugas ng kamay o mag-alcohol, at magsuot ng mask, bilang preventive measures.

Binigyang diin pa ng DOH na mas mapanganib ang trangkaso sa mga senior citizen at mga bata lalo na at masabayan ito ng bacterial infection kung kaya mainam din na magpa-flu vaccine ang mga nabanggit.

 

Ulat ni Belle Surara 

Please follow and like us:

Leave a Reply

Your email address will not be published. Required fields are marked *