Dagdag singil sa kuryente, inihirit ng NAPOCOR

Nagsumiti ng petisyon ang National Power Corporation (NAPOCOR) sa Energy Regulatory Commission (ERC).

Ito ay para sa hirit na dagdag singil sa kuryente upang makarekober ang NAPOCOR sa missionary electrification subsidy para sa taong 2014.

Isang regular application ang kanilang isinumiting petisyon batay sa gastos na mas mataas kaysa sa kinikita ng korporasyon mula sa generation charge, nakasaad sa nasabing petisyon na umabot sa magihit 5 bilyong piso ang kanilang ikinalugi noong 2014 kaya hinihiling nila sa ERC na payagan ang .78 na dagdag singil sa kuryente na ipapataw sa mga consumer.