Mga lalabag sa Intellectual Property Code, papatawan ng parusa

Nangako ang Intellectual Property Office (IPO) na aaksyunan nito ang reklamo ng isang grupo ng mga kompositor. Ito ay may kaugnayan sa ginagawa umanong paggamit ng mga kandidato sa mga awitin ng mga miyembro ng Filipino Society of Composers, Authors and Publishers, Inc. (filscap) ng walang kaukulang permiso.

Binigyang diin ni IPO Director General, Josephine Santiago na katulad ng korte ay may karapatan itong magpataw ng parusa sa kung sinumang mapapatunayang lumabag sa batas na may kaugnayan sa intellectual property.