Panukalang tapusin na ang Illegal Labor contractualization, pasado na sa Senado

Pasado na sa Senado ang panukalang wakasan ang Illegal Labor Contractualization sa bansa.

Labinlimang (15) Senador ang pumabor sa Senate Bill 1826 o Security of Tenure Bill na inakda at inisponsor ni Senador Joel Villanueva.

Sa panukala, papayagan lang ang Labor only contracting kung ang mga Job contractor ay konektado sa pagsusuplay, pagre-recruit ng mga manggagawa.

Sa inaprubahang batas ayon kay Villanueva magkakaroon na ng securiry of tenure ang mga manggagawa.

Iginiit ng Senador na ang Right to Protection of Tenure o seguridad para sa mga mangagawa ay ginagarantyahan ng Saligang Batas.

Sa susunod na linggo isasalang na sa Bicameral Conference Committee ang inaprubahang panukala para maihabol bago mag-Sine Die adjournment sa June 7.

Ulat ni Meanne Corvera