Aksidente sa Tanay Rizal, iimbestigahan ng CHED

 

 

 

Iimbestigahan  ng Commission on Higher Education o CHED ang Bestlink College of the Philippines sa Quezon City.

Kasunod ito ng pagkamatay ng labing limang estudyante nito matapos na sumalpok ang bus na sinasakyan ng mga ito sa isang poste ng kuryente habang papunta sa Tanay, Rizal para sa field trip.

Ayon kay CHED Office of the Student Development and Services officer in charge Director Engr. Ronaldo Liveta, batay sa inisyal na pagsisiyasat  hindi nagpasabi ang naturang eskwelahan na mayroon itong aktibidad sa labas.