DOH,kinumpirma ang local case ng Delta variant sa bansa

Inanunsyo ng Department of Health na mayroon ng local case ng Delta variant ng COVID- 19 dito sa bansa.

Ayon kay Health Usec Ma. Rosario Vergeire, sa pinakahuling sequencing ng Philippine Genome Center ay may 16 bagong delta variant na naitala sa bansa.

Sa nasabing bilang, 5 ang returning OFW’s.

Ang 1 ay mula United Kingdom at dumating sa bansa noong Abril 26.

Ang 2 ay mula sa Qatar at dumating noong Hunyo 15 .

Inihayag ni Vergeire na ang mga nabanggit ay nakarekober na sa virus.

Ang 2 ay bineberipika pa kung local case.

Ang 11 naman ay local cases.

Ang 6 ay mula sa region 10 at naitala ang kanilang onset of illness sa pagitan ng June 23-28.

Lahat sila nakarekober na.

Ang 2 ay mula naman sa NCR ang 1 ay nasawi matapos isugod sa ER ng isang ospital at ang isa ay isang out patient na nakarekober na.

Ang 1 pa ay natukoy na sa NCR nagpositibo pero nakita na may iba itong address.

Siya ay nakarekober na.

May 2 naman naitala mula sa region 6 na may onset of illness noong May 27 pero sya ay nakarekober na.

Madz Moratillo