Higit 469,000 doses ng Moderna vaccine na binili ng gobyerno at private sector, dumating sa bansa ngayong hapon

Dumating na sa bansa ngayong hapon ang nasa kabuuang 469,200 doses ng Moderna Covid-19 vaccine.

Ang mga bakuna ay lumapag sa Ninoy Aquino International Airport Terminal 3 lulan ng Singapore Airlines.

Sinalubong ito ni Vaccine Czar Carlito Galvez Jr. at ilang opisyal ng National Task Force Against COVID-19.

Ang 150,000 doses ng bakuna ay mapupunta sa pribadong sektor ng International Container Terminal Services, Inc. (ICTSI).