Metro Manila, isasailalim na sa Alert Level 3 simula Oct. 16 – 31
Inaprubahan na ni Pangulong Rodrigo Duterte ang rekomendasyon ng Inter-Agency Task Force (IATF) na isailalim sa Alert Level 3 ang National Capital Region (NCR) simula sa October 16, 2021 hanggang October 31, 2021.
Ayon kay Presidential Spokesman Secretary Harry Roque, inaprubahan din ng IATF na isailalim sa Modified Enhanced Community Quarantine (MECQ) ang Apayao, Kalinga, Batanes, Bulacan, Bataan, Cavite, Rizal, Laguna, at Naga City sa Luzon; at Zamboanga City aat Zamboanga del Norte sa Mindanao Isinailalim naman sa General Community Quarantine (GCQ) with heightened restrictions ang Abra, Baguio City, Ilocos Sur, Pangasinan, Cagayan, Isabela, City of Santiago, Nueva Vizcaya, Quirino, Quezon, at Batangas sa Luzon; Bacolod City, Capiz, Lapu-Lapu City, Negros Oriental, at Bohol sa Visayas; at Zamboanga del Sur, Misamis Oriental, Cagayan de Oro City, Davao del Norte, Davao Occidental, Davao de Oro, Butuan City, and Surigao del Sur for Mindanao.
Nasa GCQ din ang Ilocos Norte, Dagupan City, Ifugao, Benguet, Tarlac, Lucena City, Occidental Mindoro, Oriental Mindoro, Puerto Princesa, Marinduque, Albay, at Camarines Norte sa Luzon; Aklan, Antique, Guimaras, Negros Occidental, Iloilo City, Iloilo Province, Cebu City, Cebu Province, Mandaue City, Siquijor, at Tacloban City sa Visayas; Zamboanga Sibugay, Misamis Occidental, Iligan City, Davao City, Davao Oriental, Davao del Sur, General Santos City, Sultan Kudarat, Sarangani, North Cotabato, South Cotabato, Agusan del Norte, Agusan del Sur, Surigao del Norte, Dinagat Islands, Cotabato City, at Lanao del Sur sa Mindanao.
Ayon kay Roque, ang natitirang bahagi ng bansa ay nasa Modified General Community Quarantine (MGCQ).
Magiging epektibo ang bagong risk-level classification sa October 16, 2021 hanggang October 31, 2021.
Vic Somintac
