Pangulong Duterte, mas ligtas manatili sa Davao City kaysa sa Metro Manila- Roque

Inihayag na ng Malakanyang ang dahilan kung bakit nananatili sa Davao City si Pangulong Rodrigo Duterte.

Sinabi ni Presidential Spokesman Secretary Harry Roque na ang malalang kaso ng Covid-19 sa Metro Manila kaya hindi pa umuuwi ng Malakanyang ang Pangulo.

Ayon kay Roque mayroong mga miyembro ng Presidential Security Group o PSG ang nagpositibo sa Covid-19 ganun din ang ilang mga empleyado sa Malakanyang partikular sa tanggapan ng Presidential Communications Operation Office o PCOO.

Inihayag ni Roque batay sa assessment ng PSG mas ligtas sa Covid-19 ang Pangulo kung mananatili ito sa kanyang bahay sa Davao City.

Niliwanag ni Roque na hindi nagtatago ang Pangulo at wala itong iniindang malalang karamdaman.

-Vic Somintac