Bureau of Customs bumuo special inspection team na bubusisi sa mga kargamentong sakop ng alert order
Bumuo ang Bureau of Customs ng Special Inspection Team na magbubusisi ng mga kargamento na sakop ng alert order para mapabilis ang proseso ng pag-iinspeksyon.
Ang SIT ay binubuo ng mga mga opisyal at kinatawan mula sa Assessment and Operations Coordinating Group, Customs Intelligence and Investigation Service, Office of the District Collector, Special Studies and Project Development Committee, Port Operations Service at Command Center.
Ang grupo ang bubusisi at magsusumite ng ulat para sa mga perishable goods sa loob ng 24 oras, at sa iba pang kargamento sa loob ng 48 oras magmula nang ipalabas ang alert order.
Magsisilbing ring coordinating center ang SIT para sa lahat ng mga kargamento na inalerto kaya mapapaikli na ang proseso ng pag-iinspeksyon.
Ilalagay ang SIT coordinating center sa Port of Manila at Manila International Container Port.
Ulat ni: Moira Encina
