Comelec dinagdagan pa ang venue para sa Register Anywhere Project
Dinagdagan pa ng Commission on Elections ang mga site para sa Register Anywhere Project.
Sa abiso ng Comelec, kabilang sa bagong RAP venue ay sa National University – Fairview sa Quezon City, tanggapan ng Department of Social Welfare and Development o DSWD at sa Senado.
Gagawin ang registration sa mga nasabing lugar sa Enero 23 at bukas ito mula 8:00 am hanggang 5:00pm.
Kabilang sa pwedeng magparehistro sa mga nasabing venue ay mga OFW na nais magpabago ng registration para makaboto sa local election, mga residente sa lungsod o distrito kung saan naroon ang RAP site, senior citizens at PWD na bagong botante o mag-a-update ng kanilang record.
Ayon sa Comelec mula ng nagsimula ang RAP, nasa higit 4 na libong aplikasyon na ang kanilang naiproseso.
Ang RAP ay para makapagparehistro ang isang botante kahit sa ibang lugar o probinsya pa na hindi nya kailangang pumunta sa nasabing lugar.
Madelyn Villar- Moratillo
