Commissioner Christian Robert Lim, itinalagang acting Comelec Chief
Itinalaga ng Commission on Elections (Comelec) en banc si Commissioner Christian Robert Lim, bilang acting chairman ng poll body.
Ito ay makaraang tanggapin na ng Malakanyang at gawing effective immediately ang resignation ni Comelec Chairman Andres Bautista.
Ayon kay Comelec Spokesperson James Jimenez, sa isinagawang botohan, unanimous ang naging pasya ng Comelec en banc para italaga si Lim bilang acting chairman.
Paliwanag ni Jimenez, si Lim ang maituturing na most senior commissioner ng Comelec.
