DTI nagpalabas ng guidelines para sa presyo ng school supplies
Naglabas ng pamantayan sa presyo ng school supplies ang Department of Trade and Industry
Sinabi ni DTI Consumer Protection Group head at Undersecretary Teodoro Pascua, ito ay para mayroong kaalaman ang mga magulang na bibili ng mga gamit pang-eskuwela para sa kanilang mga anak sa pagsisimula ng pasukan sa Hunyo 5.
Pinayuhan din nito ang mga magulang na iwasan ang pagbili ng mga gamit eskuwela na hindi mabasa o maintindihan ang pagkakasulat para na rin sa kaligtasan ng kanilang mga anak.
Inatasan din nila ang mga negosyante na ilagay sa mga lugar na madaling makita ang mga price guide ng school supplies.
