Ilang Korte sa mga lugar na wala sa ECQ areas, pisikal na sarado rin hanggang sa susunod na buwan

Pansamantalang sarado rin ang ilang korte at court offices sa mga lugar na hindi isinailalim sa Enhanced Community Quarantine hanggang sa susunod na buwan bilang pag-iingat sa COVID-19.

Kabilang na rito ang San Fernando, Pampanga Regional Trial Court Building;  Calapan City, Oriental Mindoro Municipal Trial Court in Cities; Zaragoza, Nueva Ecija Municipal Trial Court; at Paniqui Tarlac MTC.

Gayundin, ang Offices of the Clerk of Court ng Cabanatuan City RTC, at ng Mandaue, Cebu MTCC.

Naka-lockdown din hanggang unang linggo ng Abril ang ilang branch ng Santiago City, MTCC; Calubian, Leyte RTC; Lucena City RTC; Angeles City RTC, Paniqui Tarlac RTC, Calapan City RTC; at Naga City RTC.

Magsasagawa ng disinfection at iba pang health interventions sa mga nasabing korte para maiwasan ang  pagkalat ng COVID-19.

Pwedeng ma-contact ang mga nabanggit na hukuman sa kanilang hotlines at email addresses.

Maaari namang i-check ng publiko at court users ang quarantine status ng mga korte sa website ng Supreme Court.

Moira Encina