Jurassic World Rebirth nag-premiere sa London
Actors Jonathan Bailey, Scarlett Johansson, Rupert Friend and Mahershala Ali attend the “Jurassic World Rebirth” global premiere in London, Britain, June 17, 2025. REUTERS/Carlos Jasso
Marami ang natigilan nang pangunahan ni Scarlett Johansson ang red carpet arrivals sa Jurassic World Rebirth world premiere sa London nitong Martes.
Ang 40-anyos na aktres na gumanap sa papel ni Zora Bennett sa science fiction, ay napakaganda sa kaniyang eleganteng sequinned gown.
Actor Scarlett Johansson attends the “Jurassic World Rebirth” global premiere in London, Britain, June 17, 2025. REUTERS/Carlos Jasso
Kasamang dumating ni Scarlett sa Odeon Luxe Leicester Square ang kaniyang co-stars na sina Mahershala Ali a Jonathan Bailey.
Ang bagong science fiction action film, na kasunod ng Jurassic World Dominion (2022), ang ika-pitong pelikula sa Jurassic Park franchise at kinatatampukan ng bagong ensemble cast, kung saan si Scarlett ang nasa lead role.
Ayon sa Marvel star na si Johansson, pangarap niya noong siya ay bata pa na bumida sa isang Jurassic Park movie.
Actor Bechir Sylvain attends the “Jurassic World Rebirth” global premiere in London, Britain, June 17, 2025. REUTERS
Sa Jurassic World Rebirth, pangungunahan ni Johansson ang kaniyang teammates sa isang delikadong misyon, kung saan kailangan nilang kumuha ng DNA ng pinakamabangis na dinosaur sa nawasak nang research facility ng orihinal na Jurassic Park.
Ang setting ng pelikula ay isang dekada pagkatapos ng 2022 Jurassic World Dominion movie, na pinagbibidahan nina Bryce Dallas Howard, Chris Pratt, Laura Dern, Jeff Goldblum at Sam Neill kasama ng marami pang iba sa all-star cast na pelikula.
Noong isang taon ay sinabi ni Johansson sa ComicBook.com, “The ‘script is so incredible,’ David Koepp returned after like 30 years to write the script. He’s so passionate about it, which is so awesome. I’m such an enormous fan of the franchise and huge nerd for it. I’m just like, I can’t even, I’m pinching myself.”
Dagdag pa ng aktres, “I’ve been trying to get into this franchise in any possible way for over 10 years.”
Film Composer Alexandre Desplat attends the “Jurassic World Rebirth” global premiere in London, Britain, June 17, 2025. REUTERS/Carlos Jasso
Samantala, si Steven Spielberg muli ang executive producer ng proyekto, na isang joint-venture production sa pagitan ng Amblin Entertainment at Universal.
Nagsimula ang principal photography sa kalagitnaan ng June noong isang taon sa Thailand at tumagal ng halos isang buwan, hanggang sa ang production ay lumipat sa Kalkara sa island country ng Malta sa Mediterranean Sea, na nasa Southern Europe na tumagal ng isa pang buwan.
Producer Frank Marshall attends the “Jurassic World Rebirth” global premiere in London, Britain, June 17, 2025. REUTERS/Carlos Jasso
Mula roon, ang shooting ay itinuloy sa Sky Studios Elstree sa London, England noong August para sa isa pang round bagong inilipat sa New York City noong September.
Ang Jurassic World Rebirth ay nakatakdang ipalabas sa mga sinehan sa UK at US sa July 2, ngayong taon.
End
