Legal maneuvering ng defense team ni VP Sara Duterte sa impeachment court handang sagutin ng house prosecution team
Pinaghahandaan ng house prosecution team ang pagsagot sa lahat ng legal at techinical nabeuvering na gagawin ng defense team ni Vice President Sara Duterte sa impeachment court.
1 Rider Partylist Representative Ramon Rodrigo “Rodge” Gutierrez / Courtesy: House of Representative
Sinabi ni 1 Rider Partylist Representative Rodge Gutierrez, na isa sa labing-isang Congressmen prosecutors, na pinag-aralan ng prosecution ang counter measures sa lahat ng techicalities na ilalahad ng defense team sa sandaling magsimula na ang impeachment trial.
Batay sa Ad Cautelam answer ni VP Sara sa pamamagitan ng kaniyang defense team, hinihiling ng kampo ng bise presidente sa impeachment court, na ibasura ang article of impeachment na inihain ng Kamara sa Senado dahil ito ay Void Ab Initio dahil lumabag umano ito sa probisyon ng Saligang Batas sa one year ban rule sa ilalim ng section 3, paragraph 5 ng article 11 ng 1987 Constitution.
Matatandaan na apat na impeachment case ang inihain sa Office of the Secretary General, kung saan tatlo ay hindi inaksiyunan at ang ika-apat ang ipinadala sa Senado na pirmado ng 215 mga kongresista.
Vic Somintac
