Malabong magkaroon ng tsunami matapos ang 5.4 na lindol

Nilinaw ng Philippine Institute of Volcanology and Seismology na malayong magkaroon ng tsunami matapos ang naramdamang 5.4 magnitude na pagyanig sa ilang bahagi ng Luzon dakong 10:27 kagabi.

Ayon sa PHIVOLCS dahil malalim ang naitalang pagyanig na 88 km at tectonic in origin na ang sentro ay sa San Marcelino Zambales.

Naramdaman ang Intensity 4 sa Quezon city, Pateros, Malolos-Bulacan, intensity 3 naman sa Tagatay city, Talisay Batangas, San Jose Del Monte, Bulacan, Pasay city, Makati City, Mandaluyong, Manila, Paranaque, Taguig, San Miguel Tarlac at Marilao Bulacan, intensity 2 sa Palayan City Nueva Ecija, Bacoor Cavite at San Jacinto, Pangasinan.

Naitala ng PHIVOLCS sa kanilang instrumental intensities ang intensity 4 sa Quezon city, Marikina City, Intensity 3 sa Talisay, Batangas; Palayan City, Batangas City, intensity 2 sa Magalang Pampanga at Intensity 1 sa Sinait, Ilocos Sur.

Nagbabala naman ang PHIVOLCS na asahan ang mga aftershock matapos ang nasabing pagyanig.