Mga Senador, humihingi ng hiwalay na briefing sa security forces ng gobyerno kaugnay ng idineklarang Martial Law ng Pangulo
Hiniling ng oposisyon na magkaroon ng hiwalay na briefing ang mga Senador sa Malacanang o security forces ng gobyerno.
Sa harap ito ng inaasahang pagsusumite ng report ng Pangulo matapos ideklara ang Martial Law sa Mindanao.
Ayon kay Senate Minority Leader Franklin Drilon, kailangang maintindihan nila ang basehan ng deklarasyon.
Ito’y dahil sa hindi magkakatugmang report kung saan inamin ng military na kontrolado na nito ang sitwasyon.
Sa pananaw ni Drilon, kung wala nang nangyayaring bakbakan, hindi na kailangang magdeklara pa ng batas militar sa Mindanao.
“I will request that the senators be given a separate briefing on what are the circumstances that led to the declaration. I think that would be useful so that we could fully understand the premises or the basis, because we get conflicting reports like, I heard the AFP Spokesman that everything is under control. If it’s under control, why was martial law declared? We don’t want to come to any conclusion until, at the very least, we get a report as required by the Constitution”. – Sen. Drilon
Ulat ni: Mean Corvera
