PNP hinimok ni Sen. Lacson na lawakang pa ang imbestigasyon sa nadiskubreng secret jail
Hinimok ni Senador Panfilo Lacson ang Philippine National Police na palawigin pa ang imbestigasyon sa nadiskubreng secret jail sa Station 1 ng Manila Police District.
Hinala ni Lacson, posibleng may katulad na itinatagong bilangguan sa iba pang istasyon ng pulisya.
Binatikos rin ni Lacson si PNP Chief Ronald dela Rosa na sa halip na dumepensa, dapat magsilbing eye opener ang pagkakadiskubre sa itinatagong selda at magsagawa ng mas malalimang imbestigasyon.
Malinaw aniyang labag sa saligang batas ang pagkakaroon ng secret jail kaya dapat na itong aksyunan ng PNP bago pa ito maharap sa ibat-ibang kaso.
Iginiit ni Lacson na nais niya rin namang magtagumpay ang PNP lalo na sa kampanya kontra droga at ang mga pagpuna sa PNP ay dapat gamiting wake up call.
Ulat ni: Mean Corvera
