Schoolmate at fraternity brother ni Pangulong Duterte kasama sa shortlist ng JBC para sa pagiging Special Prosecutor
Nanguna sa shortlist ng Judicial and Bar Council para sa posisyon ng Special Prosecutor ang schoolmate at fraternity brother ni Pangulong Duterte.
Ito ay ang trial lawyer na si Vernard Quijano na nagtapos sa Alma Mater ni Duterte sa San Beda College of Law noong 1988 at ka-brod nito sa Lex Talionis.
Pasok din sa shortlist si Retired Sandiganbayan Presiding Justice Edilberto Sandoval.
Kabilang din sa pagpipilian sa nasabing pwesto sina Makati City Regional Trial Court Judge Benjamin Pozon, Acting Ombudsman Special Prosecutor Omar Sagadal, Polytechnic University of the Philippines Law Professor Arnold Bayobay at dating Ombudsman Mindanao lawyer Eusebio Avila.
Ang posisyon ng Special Prosecutor ay may fixed term na pitong taon.
Ulat ni: Moira Encina
