Sunog sa bisinidad ng Dubai airport kasunod ng drone attack, naapula na
Exterior of Dubai International Airport (DXB) after two drones came down in the vicinity of the airport, amid the U.S.-Israeli conflict with Iran, in Dubai, United Arab Emirates, March 11, 2026. Picture taken with a mobile phone. REUTERS/Stringer
Walang napaulat na nasaktan sa isang drone attack malapit sa Dubai International Airport, ngunit pansamantalang nasuspinde ang biyahe ng mga eroplano.
Ayon sa Dubai authorities, naapula na ang sunog na dulot ng nasabing drone attack.
Sa social media post ng Dubai media office, nakasaad na, “A drone incident in the vicinity of Dubai International Airport (DXB) affected one of the fuel tanks.”
Inanunsiyo rin ng Emirates airline sa isang social media post, ang pansamantalang suspensiyon ng flights mula at galing sa Dubai.
Ang Gulf Arab states ay nakaranas na ng mahigit sa 2,000 missile at drone attacks simula nang sumiklab ang ang U.S.-Israeli war sa Iran noong February 28, kung saan kabilang sa tinarget ay ang U.S. diplomatic missions at military bases, at maging ang mahalagang Gulf oil infrastructure, ports, airports, hotels at residential at office buildings.
