12 patay sa sagupaan ng protesters at security forces sa Peru
Supporters of ousted president Pedro Castillo clash with police forces in the Peruvian Andean city of Juliaca, on January 7, 2023. - Political upheaval has roiled Peru since then-president Pedro Castillo in early December sought to dissolve Congress and rule by decree, only to be ousted and thrown in jail. Castillo's was replaced by his vice president, Boluarte, who since then has faced a wave of often violent demonstrations calling for his return to power. (Photo by Juan Carlos CISNEROS / AFP)
Hindi bababa sa 12 katao ang nasawi sa Peru, nang magkasagupa ang anti-government protesters at security forces makaraang tangkain ng mga nagpo-protesta na lusubin ang isang paliparan.
Sinabi ng isang opisyal mula sa tanggapan ng lokal na ombudsman, na nangyari ang karahasan sa southeastern city ng Juliaca, sa Puno region.
Nais ng mga nagpo-protesta na patalsikin na si President Dina Boluarte, na naupo sa puwesto matapos mapatalsik at maaresto ang dating pangulo na si Pedro Castillo noong December 7.
Ang pagpapatalsik kay Castillo matapos niyang subukang buwagin ang kongreso at simulan ang pamumuno sa pamamagitan ng isang decree, ay nagbunsod ng ilang linggong sagupaan sa buong Peru, isang bansa na ilang taon nang pinahihirapan ng kawalang katatagan sa pulitika.
Nais ng protesters na galit sa pagkakatanggal ng maka-kaliwang si Castillo, na magbitiw na si Boluarte at agad na magkaroon ng bagong eleksiyon. Ang halalan ay inilipat sa April 2024 mula sa dating 2026.
Ang Juliaca, na matatagpuan sa rehiyon ng Puno sa hangganan ng Bolivia, ay naging pugad ng mga protesta laban sa gobyerno. Isang open ended strike ang idineklara doon noong Enero 4.
© Agence France-Presse
