Bagong SC Associate Justice Maria Filomena Singh, nanumpa na sa puwesto

Si Court of Appeals Associate Justice Maria Filomena Singh ang bagong mahistrado ng Korte Suprema.

Pinalitan ni Singh sa puwesto ang nagretirong si Senior Associate Justice Estela Perlas-Bernabe.

Nanumpa na si Singh bilang ika-194 na associate justice ng Kataas-taasang Hukuman kay Chief Justice Alexander Gesmundo.

Bago mahirang sa SC, si Singh ay senior member ng CA Second Division.

Naging hukom din siya ng metropolitan trial court at regional trial court ng Quezon City.

Nagtapos si Singh ng cum laude sa UP Diliman ng BA English major in Imaginative Writing at ng Juris Doctor degree mula sa Ateneo School of Law.

Bahagi rin si Singh ng ilang komite sa Korte Suprema at chairperson ng Civil Law Department ng Philippine Judicial Academy.

Moira Encina