Balasahan sa DA sinimulan na ng bagong DA Chief
Sinimulan na ni bagong Agriculture Secretary Francisco Tiu Laurel Jr. ang balasahan o reorganisasyon sa Department of Agriculture.
Una sa tinamaan si Agriculture Assistant Secretary Rex Estoperez na pinalitan ni Atty. Alvin John Balagbag.
Pinalitan ni Balagbag si Estoperez bilang Chief of staff at Head Executive Assistant.
Itinalaga rin ni Laurel si Assistant Secretary Genevieve Velicaria-Guevarra bilang head ng Kadiwa program na dating hawak naman ng nasibak na Asst. Secretary Kristine Evangelista na pinakasuhan ng Ombudsman dahil sa pagkakasangkot sa kontrobersiyal na Onion smuggling.
Naglabas din ng Special Order 1361 si Laurel na nagtatalaga kay Maria Alilia maghirang bilang non-resident Agriculture attaché sa Republic of Palau, Federal States of Micronesia at Republic of Marshall Islands.
Samantala, inokupahan na rin ni Laurel ang opisina na itinalaga bilang Office of Agriculture Senior Undersecretary na hawak ni Usec. Domingo Panganiban na nasa second floor ng DA main building.
Sinabi din ng mga sources sa DA na nag-isyu na rin ng memorandum si Laurel na nag-aatas sa lahat ng Contractual employee na bakantehin na ang kanilang mga opisina.
Rowena Deimoy
