Asahang sa susunod na linggo ay tuluyan nang aaprubahan sa Kamara ang Bayanihan to Recover As One Act o Bayanihan 2.
Ito ay matapos na ipasa sa ikalawang pagbasa sa pamamagitan ng Viva Voce voting ang House Bill 6953 bilang supplemental measure at ikalawang stimulus package para sa pagtugon sa COVID-19 pandemic.
Sa ilalim ng Bayanihan 2ay mayroong P162 Billion na standby fund sa Setyembre na maaaring gamitin hanggang sa Disyembre, mas mataas ito kumpara sa P140 Billion na standby fund ng Senado.
House Speaker Alan Peter Cayetano : ” sa bayanihan 2, we have limited resources, as the President put it, yung sa pera natin, we’re going to have to make do with around 140 to a maximum of 165, 170 billion for this Law and we will make sure that the subsidies, yung mga ayuda, and of course yung cheap loans or mababa na interest para sa mga micro, small, medium enterprise nandyan.”
Maaaring gamitin ang nasabing halaga para sa emergency subsidy sa mga displaced workers, cash-for-work programs, prevention and control para sa COVID-19, support programs para sa mga apektadong sektor at sa agricultural sector.
Bibigyang direktiba rin ang mga government financial institutions na magbigay ng pautang, subsidiya, diskwento at iba pang grants para sa pagbili ng electronic gadgets na kakailanganin ng mga guro at estudyante sa ilalim ng distance at blended learning.
Magkakaloob din ng tuition subsidy para sa mga estudyante na hindi nakatatanggap ng educational subsidy mula sa gobyerno at nahaharap sa financial crisis.
House Speaker Alan Peter Cayetano : “we will give authority to the dbm to realign and set for infrastructure funds na kailangan na kailangan ng bansa, for testing, for isolation centers and field hospitals, for cure or vaccine if it becomes available, for ppes and for health workers, but ang pakiusap ko is that the private sector do their part. Halimbawa sa mga bangko, whether it’s through the central bank or the bankers’ association, you know, we can come up with an agreement on targeting yung mga puwedeng pautangin to be able to keep their businesses alive.”
Pakiusap naman sa publiko ng liderato ng kamara na mahigpit na sundin ang social distancing, pagsusuot ng face mask, pagpapanatili ng personal hygiene at iba pang health protocols upang makaiwas sa virus.
