Covid-19 cases tumaas ng 13% noong nakaraang linggo – DOH

Tumaas ng 13% ang naitalang kaso ng Covid-19 sa bansa nitong nakalipas na linggo.

Sa tala ng Department of Health (DOH), mula Abril 3 hanggang 9, ang daily average cases ng virus infection ay 278.

Sa kabuuan, umabot sa 1,944 ang naitalang kaso ng Covid-19 sa nakalipas na linggo.

May nadagdag naman 17 kaso ng kritikal at severe at 30 ang nasawi.

Ayon sa DOH, sa 30 deaths na ito, 1 ang nasawi noong Disyembre, 3 noong Enero ng 2022 at ang iba ay sa ibang buwan na ng 2021 at 2020.

Madelyn Moratillo