Dalawang espesyal na titulo sa katatapos na Miss Asia-Pacific Business 2022, nasungkit ng negosyanteng si Nguyen Rhi Quynh Huong

Nasungkit ng negosyanteng si Nguyen Rhi Quynh Huong ang espesyal na titulong “The Queen of the Night” at Ms. Nhan Ai in “Businesswoman Hoa Hoi 2022,” sa katatapos na Miss Asia – Thai Entrepreneur Program Binh Duong 2022, na ginanap sa Newport Mall sa Pasay City.

Si Huong ay dating Direktor ng Astera Fashion consulting company at Direktor din ng isang Real Estate Industry. Kilala rin siya na isang mapagmahal na ina, mabuting kaibigan, at mahusay mamuno pagdating sa larangan ng pagnenegosyo sa kanilang bansa.

Una na ring binigyang parangal si Huong bilang “Queen of the Night” at Ms. Kindness sa nakaraang Miss businesswoman Sac Tam Tai 2022.

Ang sunod-sunod na tagumpay na nakamit ni Huong na kabilang na ngayon sa mga nagtatagumpay bilang mahusay na negosyante, ay karangalan ng Vietnam na kaniyang kinakatawan.

Naging maayos at matagumpay ang naturang programa sa ilalim ng organizing committee na pinamunuan ni Ly Thao KY, ang brand ambassador ng Friendly Entrepreneurs Asia – Pacific 2022.

Pinasalamatan naman ni Huong ang mga nagsidalo na kinabibilangan ng ilang malalaking negosyante mula sa Vietnam at Pilipinas, maging ang nag-organisa ng patimpalak at maging sa mga kinatawan ng dalawang bansa dahil naman sa matagumpay na Cultural exchange at Multi – National Trade promotion program.

Jimbo Tejano