Palasyo, idineklarang walang pasok ang Agosto 20 sa Lucena City
IdIneklara ng Malacañang na non-working day sa lungsod ng Lucena ang Agosto 20 bilang paggunita sa 61st Charter Day Anniversary nito.
Sa Proclamation #34 na inisyu noong August 8 na pirmado ni Executive Secretary Victor Rodriguez, nakasaad na binibigyan ng pagkakataon ang mga mamamayan sa lungsod na makiisa sa selebrasyon at iba pang mga aktibidad sa lungsod.
Photo Courtesy : Danny Ordonez
Samantala, mahigpit pa rin naman ang paalala sa pagsunod sa health protocol dahil pa rin sa COVID-19.
Ang Lucena City ay naging chartered city noong June 17, 1961 sa bisa ng Republic Act No. 3271.
Subalit ang lokal na pamahalaan ay nagdiriwang tuwing August 20, bilang pag-alaala na rin sa pormal na inagurasyon nito bilang lungsod noong August 20, 1962.
Ang Lucena City ngayon ay nasa klasipikasyong Highly Urbanized City.
Allan Llaneta
