Kamara hahanap ng paraan para madagdagan ang social pension ng mga indigent senior citizen

Nangako si Senior Citizen Partylist Representative Rodolfo Ordañes na hahanap ng paraan ang Kongreso para mapondohan ang dagdag na Social pension ng mga mahihirap na Senior citizens.

Sinabi ni Ordañes na kailangang malagyan ng pondo ang isang libong pisong social pension ng mga mahihirap na Senior citizens mula sa dating limang daang piso alinsunod sa Republic Act 11916 o An Act Increasing the Social Pension of Indigent Senior Citizens.

Ayon kay Ordañes kailangan ang 25.7 billion pesos na pondo para maging 1000 pesos ang buwanang Social pension ng mga mahihirap na senior citizen na ang bilang ay nasa 4.085 milyon.

Inihayag ni Ordañes na ang binabanggit na pondo ay ipapasok sa budget ng Department of Social Welfare and Development o DSWD na siyang magpapatupad ng social pension increase para sa mga indigent senior citizen.

Vic Somintac