Kampo ni VP Robredo, tiwalang malakas ang laban nila vs BBM election protest

Kumpiyansa ang Office of the Vice President  na malakas ang laban ng kanilang kampo sa inihaing electoral protest ni dating Sen. Bongbong Marcos.

Ito’y ayon sa tagapagsalita ni Vice President Leni Robredo na si Georgina Hernandez.

Ayon kay Hernandez, “fishing expedition” lamang ang ginagawa ng kampo ni Marcos dahil wala namang sapat na ebidensya na makakapagpatunay sa mga ibinabatong alegasyon nito laban kay Robredo.