Korte Suprema, mayroon nang bagong Clerk of Court

Nakapili na ang Korte Suprema ng bago nitong Clerk of Court.

Ito ay matapos magretiro si Supreme Court En Banc Clerk of Court Atty. Felipa Anama noong Pebrero 22.

Siyam ang mahistradong bumoto para maging Clerk of Court si SC First division Clerk of Court Atty. Edgar Aricheta.

Bukod kay Aricheta, kabilang sa mga pinagpilian sa puwesto sina Atty. Lourdes Perfecto, Clerk of Court ng  SC 2nd Division; Atty. Wilfredo Lapitan, Clerk of Court ng SC 3rd Division; at Atty. Teresita Tuason, Asst. Clerk of Court ng SC 2nd Division.

Si Atty. Anama ay noon pang dapat August 2017 nagretiro sa edad na 65 pero pinalawig ito ng En Banc ng anim na buwan.

Ulat ni Moira Encina