LRT-2 at MRT-3, magkakaloob ng libreng sakay

Magkakaloob ng libreng sakay sa mga female passenger ang LRT 2 at MRT 3 ngayong araw bilang bahagi ng pagdiriwang ng National Women’s Month.

Sa isang social media post, inanunsiyo ng Light rail Transit Authority, libreng makakasakay ang mga babaeng pasahero mula 7:00 a.m. hanggang 9:00 a.m., at mula 5:00 p.m. hanggang 7:00 p.m.

Inanunsiyo naman ng pamunuan ng MRT-3 ang libreng sakay para sa mga babae mula 7:00 a.m. hanggang 9:00 a.m., at mula 5:00 p.m. hanggang 7:00 p.m.

Ayon kay LRTA Administrator Hernando Cabrera, ang libreng sakay para sa mga female passenger ay pasasalamat at paggalang ng ahensya sa tagumpay, talento, at community contributions ng mga babae.