Mahigit P 2 milyong shabu na nasabat sa Pampanga naiturn over na sa PDEA

Aabot sa 2.48 million pesos na halaga ng shabu ang nasabat ng Bureau of Customs-Port of Clark at itinurn over na sa Philippine Drug Enforcement Agency.

Ayon sa BOC, ang shipment ideneklarang air, fuel at oil filter para sa kotse galing Lagos, Nigeria.

Pero matapos isailalim sa eksaminasyon, nakitang iligal na droga pala ang laman at itinago sa loob ng car oil filters.

Agad namang nag-isyu ng Warrant of Seizure and Detention ang BOC laban sa nasabing kargamento.

Madelyn Villar-Moratillo