Manok, dalawang beses nangitlog ng itlog na may tatlong pula

 

Sa loob lang ng isang buwan ay dalawang ulit na naglabas ng itlog ang manok na si “Lucky,” ng itlog na ang pula o egg yolk ay tatlo.

Si Lucky ay ni-rescue ni Lauren Myers at ng anak nitong lalaki na si Toby, mula sa isang battery farm noong Setyembre ng nakalipas na taon, nang siya ay one day old pa lamang.

Si Lucky ay isinama ng mag-ina sa kanilang tahanan sa corpusty, norfolk kung saan ginawa nila itong family pet.

Subalit sa mga unang bahagi ng Marso, ay namangha sila nang sa unang pagkakataon ay mangitlog si lucky ng itlog na may tatlong pula o eggyolk.

Pero muli silang nagulat dahil halos dalawang linggo lang ang nakalipas ay muling nangitlog si lucky sa ikalawang pagkakataon, na gaya ng una ay tatlo rin ang pula.

 

=================