Maynilad labada tips kontra El Niño

LUNGSOD QUEZON, 13 Setyembre (PIA) – Muling nagbigay ng paalala ang Maynilad Water sa publiko na magtipid sa paggamit ng tubig sa harap ng napipintong kakapusan sa supply nito bunga ng magiging epekto ng El Niño.

Payo ng Maynilad, iwasan ang paglalaba araw-araw. Kung maaari, ipunin ang mga maruruming damit at maglaba nang sabay-sabay upang makatipid sa tubig.

Ilan sa mga paraan na isinasagawa ng Maynilad upang maibsan ang epekto ng El Niño ay ang pag-aayos ng mga sirang linya ng tubig at pagpapahaba ng operating hours sa mga pumping stations. (MAYNILAD/RJB/JEG/PIA-NCR)