Tanggapan ng National Telecommunications Commission, isasailalim sa 3 araw na disinfection
Isinara na rin ang Punong tanggapan ng National Telecommunications Commission sa Quezon City dahil sa isasagawang 3 araw na paglilinis at disinfection dahil sa banta ng Covid-19.
Sa abiso ng NTC, sinabi na simula ala-1:00 ng hapon ng March 12 hanggang Biyernes, March 13 ay sarado ang NTC para bigyang-daan ang disinfecting sa gusali.
Magbabalik operasyon naman ang NTC sa Lunes, March 16.
Tiniyak ng NTC na maghihigpit nilang babantayan ang sitwasyon ukol sa Covid-19 na isa nang Pandemic.
Ulat ni Moira Encina
