Alice Guo at 30 iba pa pinakakasuhan ng DOJ ng 62 counts ng money laundering case sa korte
Inirekomenda ng Department of Justice (DOJ) panel of prosecutors na kasuhan sa hukuman ng patung -patong na kaso ng money laundering si dating Bamban, Tarlac Mayor Alice Guo.
Ayon kay DOJ Spokesperson Mico Clavano, aabot sa 62 counts ng paglabag sa Anti-Money Laundering Act ang isasampa laban kay Guo at iba pang respondents.
DOJ Spokesperson Mico Clavano
Ang kaso ay kaugnay sa laundered money mula sa operasyon ng illegal POGOs sa Bamban, kung saan itinuturong incorporator si Guo.
Nabatid na ang mga kita mula sa illegal POGOs ay sistematikong ipinadaan sa iba’t ibang bank accounts para maitago ang iligal na pinagmulan nito.
Ayon kay Clavano, “The findings of panel of prosecutors found, yung mga illegal activity po nahanap natin, nung ni-raid nating yung business nila, yun po ang proceeds na tinutukoy o subject ng complaint. Yung mga operation nila sa loob, yung iba scamming gaya ng love scam investment o crypto scam, yun po ay findings ng law enforcement and as a result that’s where they profited, dun po sila nagkapera at ginamit ang pera na yun pambili ng iba’t ibang assets.”
Moira Encina-Cruz
