Mga bata, bumida sa Malabon City sa pagdiriwang ng National Children’s Month 2024
Courtesy: Malabon City Government
Kaugnay ng pagdiriwang ng National Children’s Month 2024 ngayong buwan, ay naging bida at nagpakitang gilas ang mga batang mag-aaral sa Lungsod ng Malabon, mula sa 33 Early Childhood Care and Development Centers o ECCD.
Courtesy: Malabon City Government
Sa isang event na ginanap sa Malabon Sports Center, ay nagpamalas ang nakatutuwang mga chikiting ng kanilang husay at talento sa pamamagitan ng espesyal na sayaw.
Courtesy: Malabon City Government
Samantala, iba’t ibang aktibidad din ang inihanda ng pamahalaang lungsod para sa mga bata gaya ng dance and movement activities at story telling sessions.
Courtesy: Malabon City Government
Mayroon ding makukulay na mga booth gaya ng puppet show booth, libre naman ang pagkain sa popcorn booth, waffle booth, at gayundin ang masarap na taho.
Courtesy: Malabon City Government
Sa pangunguna ng alkalde ng lungsod na si Mayor Jeannie Sandoval, ay namahagi rin ng school supplies sa bawat mag-aaral katuwang ang Department of Social Welfare and Development (DSWD) at Integrated Bar of the Philippines.
Aldrin Puno
