Ombudsman, nakakita ng probable cause sa kaso ni dating Dinagat Island Mayor Gwendolyn Ecleo
Nakakita ng probable cause ang Ombudsman sa kasong kinakaharap ni dating Dinagat Island Mayor Gwendolyn Ecleo.
Si Ecleo ay nahaharap sa tatlong kaso ng perjury dahil sa pagsisinungaling sa kaniyang Statement of Assets Liabilities at Networth noong 2006, 2007 at 2010.
Sa tala ng Land Transportation Office, bumili at ipinarehistro ni Ecleo ang limang motorsiklo noong 2006 pero hindi ito idineklara sakanyang SALN.
Sa resolusyon ng Ombudsman na pirmado ni Ombudsman Conchita Carpio Morales, sinabi nito na binigyan nila ng pagkakataon si Ecleo na itama ang kaniyang SALN pero hindi nito ginawa.
Ulat ni: Madelyn Villar – Moratillo
