Bilang ng napapatay sa bakbakan sa Marawi pumalo na sa 450 – AFP

Aabot na sa halos apatnaraan limampu (450) ang patay sa mahigit isang buwang bakbakan ng mga tropa ng gobyerno at ISIS-Maute group sa Marawi City at Lanao del Sur.

Ayon kay AFP Spokesman, Brig. General Restituto Padilla, kabilang sa nadagdag ay mula sa hanay ng militar habang pinakamarami ang nalagas sa panig ng kalaban.

Aminado naman si Padilla na hindi pa nila matiyak ang sitwasyon ng mga bihag ng teroristang grupo kabilang ang Vicar-General ng Marawi na si father Chito Suganob.