Final assault ng military sa kuta ng Maute, wala pang target date

Wala pang target date kung kailan isasagawa ang final assault ng militar laban sa Maute group.

Pero kasalukuyan na itong pinaghahandaan ng militar.

Ayon kay Defense Secretary Delfin Lorenzana, nasa desisyon na ng militar kung kailan nila isasagawa ang huling pag-atake laban sa mga terorista.

Umaasa ang militar na mababawi na ang lungsod sa lalong madaling panahon lalo na at mag-iisandaang araw na simula nang sumiklab ang kaguluhan sa Marawi.